Angallassinermut aalajangersakkat

Disko Line A/S-imi aalajangersakkat, suliffeqarfiup malittarisassai bilitsinik pisinermilu malittarisassat.

 

1. Suliffeqarfik pillugu paasissutissat naliginnaasut

2. Bilitsit pisiarineqarnissaat

2.1 Angalanermi bilitsit

3. Akikilliliivigineqartarneq, akiitsut, akileeriaaseq, bilitsit atuutsinneqarfia aammalu angallammik qulimiguulimmilluunniit angalanissamik aatsineq aammalu utertitsisinnaaneq

3.1 Akikilliliivigineqartarneq angallatinut/qulimiguulimmut bilitsinik pisinermi

3.2Sullissinermi akitsuutit - Nittartakkakkut bilitsisiat angallami/qulimiguulimmilu akilerneqartarneri

3.3 Akiliinissamut periarfissat, Dankorti, allagartat akiliissutissat il.il.

3.4 Bilitsip atuuffia

3.5 Aatsinissaq

3.6 Utertitsineq, allanngortitsineq atorunnaarsitsinerluunniit

3.7.A Angalanissamut bilitsinik angallatini/qulimiguulimmilu utertitsisinnaaneq (angalanerinnaq)

4. Inunnik angallassinermi aalajangersakkat allat

4.1 Angalanermi pissutsit naliginnaasut

4.1.A Allannguutit sivisussusailu
4.1.B Angalasussaniit tunisinerit agguaanerillu
4.1.C Aallaasit
4.1.D Aserorterineq ajortisaarinerillu
4.1.E Pujortarneq

4.2 Tappiitsunik, kørestolertunik, naartusunik, tuniluussinnaasumik nappaatilimmik napparsimasumillu angallassineq

4.2.A Naartulluni angalaneq
4.2.B Tuniluussisinnaaneq

4.3 Meeqqanik angallassinermut maleruagassat.

4.3.A Disko Line-ip angallataani meeqqaanik ukiukitsunik ilaasoqartarneq
4.3.B Disko Line aqqutigalugu meeqqaanik ukiukitsunik qulimiguulimmi ilaasoqartarneq
4.3.C Meeqqanik unnuisitsisarneq

4.4 Check in/aallariartorfissamut takkunneq, angallavissat pilersaarutaasut kinguaattooraangata angallatinik helikopterimillu.

4.4.A Angallammik angalanissami takkuffissaq
4.4.B Qulimiguulimmik angalanissami nassatanik tunniussinissaq
4.4.C Angallassinermi kinguaattoornerit/taamaatitsiinnarnerit
4.4.D Angallammik qulimiguulimmilluunniit angalanissap taamaatiinnarnera

4.5 Nassatanut piumasaqaatit / nassatat oqimaappallaarneri

4.5.A Angallammik angalanissami nassatanut piumasaqaatit / nassatat oqimaappallaarneri
4.5.B Nassatat angisuut, aneerussiviit cykelit allalu
4.5.C Qulimiguulimmik angalanissami nassatanut piumasaqaatit / nassatat oqimaappallaarneri
4.5.D Aallaammik nassarluni angalaneq
4.5.E Nassatanik inortuisitsineq
4.5.F Nassatat aserorsimasut tammarsimasulluunniit

4.6 Pigisat puigukkat

4.7 Uumasunik angallassineq

4.7.A Angallatinik uumasunik angallassineq
4.7.B Qulimiguulimmik uumasunik angallassineq
4.8 Usit Navianartut

5. Maalaaruteqarsinnaanerit

5.1 Nassatat ajortissimatillugit

6. Allannguisinnaaneq

7. Piginnittussaaneq

8. Akisussaaffeqarneq

9. Akuersaarneq

 

1. Suliffeqarfik pillugu paasissutissat naliginnaasut

Suliffeqarfiup inatsisitigut taaguutaa: Disko Line A/S
Suliffeqarfiup taaguutaa: Disko Line
Suliffeqarfiup ilusaa: Piginneqatigiiffik
Nalunaarsuinermi normua: A/S337257
Sumiiffia: Postboks 305, Kussanngajaannguaq 11, 3952 Ilulissat
Oqarasuaatip normua: (+299) 94 53 00 
Pisortatigoortumik e-mail-ia: info@diskoline.gl
Pisortatigoortumik nittartagaa: http://www.diskoline.gl/

Kalaallit Nunaanni inunnik nassatanillu angallassinerit tamarmik Disko Line-p angallassinermut aalajangersagai naapertorlugit ingerlanneqassapput. Aalajangersakkat pissarsiarineqarsinnaapput Disko Line-p Ilulissani bilitseerniarfiani Disko Line-llu angallataani tamani.

2. Angalanermi bilitsit (angallannerinnaat) 

Bilitsit pisiarineqarsinnaapput aallarnissaq ulloq ataaseq sioqqullugu ulluinnarni nal. 16.00 nallertinnagu.

Ulloq taanna angallavissamik bilitsimik pisineq (aallarnissaq ulloq ataaseq sioqqullugu ulluinnarni nal. 16.00 qaangiutereertillugu) periarfissaavoq. Bilitsit "ulloq taanna angallavissami bilitsi pisiaq" allanngortinneqarsinnaanatillu taamaatiinnarneqarsinnaanngillat. Angallatini bilitsimik aningaasanik akiliinikkut pisinnaanngillat. Bilitsit aallannginnermi pisiarineqareersimassapput. Qulimiguulimmut bilitsit aallarnissaq akunnerit marluk sioqqullugit matuneqartarpoq. 

Nittartakkami: www.diskoline.gl
Sullissinermut akitsuusiisoqartarpoq.

Disko Line - Kussangajaannguaq 11 - 3952 Ilulissat, Kalaallit Nunaat.
Malugiuk: bilitseerniarnermi sullissinermut akitsuutit qaffasinnerummata.

Narsarsuaq:
Blue Ice -  3923 Narsarsuaq, Kalaallit Nunaat (+299) 66 54 99
Malugiuk: bilitseerniarnermi sullissinermut akitsuutit qaffasinnerummata.

Qeqertarsuaq:
Hotel Disko Island- 3953 Qeqertarsuaq - Tlf. (+299) 92 16 28


Malugiuk: bilitseerniarnermi sullissinermut akitsuutit qaffasinnerummata.

3. Akikilliliivigineqartarneq, akiitsut, akileeriaaseq, bilitsit atuutsinneqarfia aammalu angallammik qulimiguulimmilluunniit angalanissamik aatsineq aammalu utertitsisinnaaneq 

3.1 Akikilliliivigineqartarneq angallatinut/qulimiguulimmut bilitsinik pisinermi (angalanerinnaq)

Meeraaqqat issiavimmi issianissaat qulakkeerneqanngilaq, angalaqataata sarliassammagu. angallatini qulimiguulimmilu taanna atuuppoq.

Disko Linep angallataanut qulimiguulinnulluunniit ikilernermi angalasussat eqqortumik bilitseqarnersut misissuiffigineqarsinnaapput. Bilitserinngisamik atuiniarsarineq immikkut akiliisitaanermik inummut ataatsimut koruuninik 500-mik kiguneqarsinnaavoq. Angalaneq ingerlanneqartinnagu akiliisitaanermi akiliutissaq akilereerneqartariaqarpoq.

3.2 Sullissinermi akitsuutit

Nittartakkami www.diskoline.gl akit nalunaarsorneqarsimasut tamarmik sullissinermut akitsuutitaqaratik nuisinneqartarput.

3.2.A Nittartakkakkut bilitsisiat angallami/qulimiguulimmilu akilerneqartarneri (angalanerinnaq)

Nittartakkakkut inniminniissutit bilitsisiallu akilerneqartarneri Disko Line-p nittartagaa atorlugu ingerlanneqassapput. Nittartakkakkut www.diskoline.gl aqqutingalugu bilitsisinermi aallarfissaq ulloq piffissarlu aalajagersimasoq inniminnerneqartarpoq. Bilitsi ullormut aalajangersimasumut piffimmiit piffimmut allassimasumut atortussatut taamaallaat ullormi tassani atorneqarsinnaavoq. Pisisup angalanissap ullui piffisailu eqqortuusut nammineq akisussaaffigivaa. Disko Line-p nittartagaatigut bilitsimik inniminniiguit akiliillutillu eqqumaffigissavat bilitsip akilernerani, pisinerullu uppernarsaatip tingunerani angallanneqarnissamut isumaqatigiissut atuummat.
Bilitsi taanna anillatsinneqarsinnaavoq angallammut qulimiguulimmulluunniit aallalernermi nassarneqassalluni. Bilitsi anillatsitaq angallanneqarnissamut akiliisimanermut uppernarsaataavoq.

Angallanneqarnissamut mobilikkut bilitsimik takutitsisinnaaneq periarfissaavoq, taamaalillunilu bilitsip anillatsinnissaa pisariaqarani. Bilitsip mobilerisarni aallalernermi takuneqarsinnaanissaa taamaallaat piumasaqaataavoq. Mobilerisaq battereerussimappat, uppernarsaammillu taamaalillutit takutitsisinnaanak, taava angalasinnaassanngilatit.

 

3.4 Akiliinissamut periarfissat, Dankorti, allagartat akiliissutissat il.il.

Pisinermut paasissutissat, allagartat akiliissutissat atorlugit nassiussatit paasiuminaallisagaapput (SSL). Taamaalilluni PBS-ip akiliisitsinermilu aqqutissiap - Quickpay-ip, paasissutissat taakku kisimik atuarsinnaavaat. Disko Line allalluunniit paasissutissat taakku atuarsinnaanerinut periarfissaqanngillat. Bilitsip akia pisisumiit ilanngaatigineqassaaq bilitsi nassiunneqarsinnaanngorpat. Bilitsi tunniunneqareertutut nalilerneqassaaq bilitsi pisisumut nassiunneqareerneranit. Pisinermi akiliutissatut akuersissutigisavit saniatigut aningaasanik annerusunik ilanngaasoqarsinnaanngilaq. Nittartakkakkut bilitseerniarfitsinni Dankorti, danskit Master Card-ii, nunat allamiut Master Card-ii aamma VISA / VISA electron atorlugit akiliisoqarsinnaavoq.

Akiliut atorlugu nittartakkatigut pisisoqarsinnaanngilaq. Innersuussutigissuarput allaffimmut ornigunnermi oqarasuaatikkulluunniit saaffiginninnermi ikiorneqarsinnaanissaq.

Paasissutissanik katersineq
Nittartakkatsinni bilitsimik inniminniisinnaassaguit akiliillutillu taava inuttut passissutissat uku nalunaarsortariaqarpatit: ateq - naggatit – najugaqarfiit – postnormu – illoqarfik – nunagisaq – oqarasuaatip normua, kiisalu e-mail-it. Inniminniinermut akiliinermullu atatillugu inuttut innimigisassanik nalunaarsuutinik toqqorsisoqarneq ajorpoq taamatuttaarlu allanut ingerlatitsisoqarneq ajorluni.

3.5 Bilitsip atuuffia

Bilitsi angalanerup taamaatiinnarnissaanut pisinnaatitsinngilaq, tamanna bilitsimik inniminniinermi immikkut nalunaarsorsimanngippat. Taamaatitsiinnarnermut atatillugu akunnittarfimmiinnerit angalasup nammineq akiligassarai.

Narsarsuarmiit Narsarsuarmullu angallammik angalanerni bussinik umiarsualivimmiit mittarfimmut, killormullu, angallanneqarneq pisattanillu angallassineq akiliummut ilaareerput.
MALUGIUK: Angalanermi nassatat isumaginissaat nammineq isumagisassaavoq, qulimiguulimmik angallammilluunnit angalaqqaarnissani timmisartumut angalanissamut pisattanik nalunaarsuereertoqarsinnaanngilaq.

3.6 Aatsinissaq

Bilitsi tunniunneqareersutut tiguneqareersutullu naatsorsuunneqartarpoq pisereernermi illit takusinnaalerneraniit. Bilitsimik pappiaqqamik nassiussisoqarneq ajorpoq. Taamaammat nammineerlutit akisussaaffigaat anillatseriarlugu angallammik qulimiguulimmilluunniit aallalernermi uppernarsaatitut nassarnissaa. Nittartagarput aqqutigalugu bilitsit nuiseqqissinnaavat. Angalanissamik pisereeriaruit pisinermut uppernarsaammik e-mailikkut nassinneqassaatit. E-mailimi tassani pisisimanermut uppernarsaatip saniatigut linkimik bilitsimik akiliisimanermullu uppernarsaatinik (voucher-inik) anillatsitsivissamut innersuunneqassaatit.

Pisisup angalanissap ullui piffisailu eqqortuusut nammineq akisussaaffigivaa. Tamannalu akiliinnginnermi qulakkeerneqassaaq imaluunniit mailimik tigusinermi.

3.7 Utertitsineq, allanngortitsineq atorunnaarsitsinerluunniit

3.7.A Angalanissamut bilitsinik angallatini/qulimiguulimmilu utertitsisinnaaneq (angalanerinnaq)

Nittartagaq aqqutigalugu aallarnissaq ulluinnarni ulloq sioqqullugu nal. 16.00 nallertinnagu bilitsimik utertitsisoqarsinnaavoq. 

UTERTITSINEQ/ALLANNGUINERLUUNNIIT PIFFISSAT TAAKKARTORNEQARTUT KINGOQQULLUGIT PISINNAANNGILAQ. 

Angallammik qulimiguulimmilluunniit billetsit utertinnerini akiitsuutit (angalanerinnaq): Billetsinik utertitsiinermi (Diskolinep nittartagaatigut www.diskoline.gl) billetsi ataaseq 75,-DKK-mik akeqarpoq, Diskolinep allaffiatigut utertitsiinermi billetsi ataaseq 125,-DKK.-mik sullissinermut akeqarluni. Utertitsineq tamatigut kortimut pisinermi akiliutaasimasumut utertinneqartarput.

Pisinermi akiliutit (kortgebyr), sullissinermilu akiliutaasimasut assigisaalluunnit utertinneqarneq ajorput. Bilitsit tammakkat taarserneqarsinnaanngillat, kiisalu bilitsit atunngitsuukkat akii utertinneqarsinnaanatik. Angallatinut ulloq taanna angallavissamik bilitsimik pisinermi(aallarnissaq ulloq ataaseq sioqqullugu ulluinnarni nal. 16.00 qaangiutereertillugu) allanngortissinnaanngillat utertissinnaanatillu.

Helikopterimik angalanissaraluami takkutinngitsoorsimagaanni akitsuutit akileraarutit angalanissaraluamiit ullut 14 qaangiutsinnagit utertinneqarsinnaapput. Akileraarutit akitsuutillu utertinniaraanni Disko Line A/S emailikkut attavigineqassaaq. Utertitsinissamilu uku nalunaarutigineqassapput: Ateq, billetsip normua, billetsip ordrenormua aammalu aningaasat ikiffissaat konto normu.

Malugiuk: Utertitsilernermi suliarineqarnera ullut 30-t angullugit sivisussuseqarsinnaammat.

Billetsini atinik angalavissallu ulluinik allannguinissaq pisinnaanngilaq. Billetsini allannguerusukkaanni billetsit uterteriarlugit nutaanik billetsisisoqassooq.

 

4. Inunnik angallassinermi aalajangersakkat allat

4.1 Angalanermi pissutsit naliginnaasut

Angalasut pisussaapput umiarsuup naalagaata angallammiluunniit oqartussat innersuussutaat maleruassallugit.

Disko Line-ip ilaasup angallammut ikinnginnerani nioreerneratalu kingorna pisunut akisussaatinneqarsinnaanngilaq. Aalajangersangarli tamanna atuutsinniarneqarsinnaanngilaq, ilaanissamut atatillugu pisariaqarsimappat angallammik allamik imaatigut ilaasoq Disko Linep angallataaniit nunamut imaluunniit nunamiit Disko Line-ip angallataanut apuunneqartariaqassappat, tamannalu bilitsip akianut ilaatinneqarpat.

4.1.A Allannguutit sivisussusailu

Ilaasut amerlanerpaat piffimmiit piffimmut ingerlagasuarneqarnissaat siunertaralugu, angallatillu tamatumunnga atorneqartut sukkassusaat aallaavigalugu angallannissamut pilersaarutit suliaapput. Pilersaarutit malillugit angallattoqarsinnaajunnaartillugu, soorlu atortutigut ajutoortoqartillugu, tamatumalu kingunerisaanik angallatit allat atorneqartariaqalissappata, Disko Line A/S pisinnaatitaavoq ilaasunut amerlanernut periaaseq tulluunnerpaatitani qinissallugu. Taamaattumik piffinni ataasiakkaani ilaasut nal. akunnerini aalajangersimasunik uningasinnaanerinik bilitsisinermi siumut neriorsuisoqarsinnaanngilaq. Pilersaarutit naliginnaasut sanioqqullugit sivikinnerusumik piffimmi uninngasoqartariaqassappat Disko Line A/S tamatumunnga akisussaatinniarneqarsinnaanngilaq, tamatumalu kingunerisaanik taarsiisussanngortinneqarsinnaanani.

Disko Line-i pisinnaatitaavoq piffiit ilaannut angalasussaqartinnagu angallassinissamik allannguinissamik, imannak paasillugu: ullormi angallaviusussaq ilaasussaqanngippat naaalisinnaatitaallugu. Ullormi angallassinissat sanaajupput ilaasartut piffimmiit piffimmut apuunneqarnissaat anguniarlugu, allannguuteqartoqarsimatillugulu ilaasoq apuunneqarsimatillugu apuunneqartussanngorluguluunniit, piffimmiit piffimmut aqqusaagassat allanngornerisa kingorna ilaasoq aningaasanik nikigassutaasunik utertivigineqarsinnaananilu piumaffigineqarsinnaanngilaq.

4.1.B Angalasussaniit tunisinerit agguaanerillu

Angalasut umiarsuaatileqatigiiffik akuerseqqaartinnagu, angallammi nunamiluunniit nioqqutissanik tuniniaaqqusaanngillat, naqitanik agguaaqqusaanatik, katersuiniarnermik assigisaannilluunniit ingerlatseqqusaanatik.

4.1.C Aallaasit

Aallaasit nassarneqarsinnaapput, kisianni imassat uloriarnartutut isigineqarput nassarneqaqqusaanatillu. Aallaasip savequtaa (bundstykke) ikilinngermi peerneqareersimassaaq, aallaasitaalu inuttanut ikilernermi tunniunneqassalluni, aatsaallu tiguneqaqqissinnaalluni apuuffissami niulernermi. Paasisaqarnerorusukkuit 4.5.D takusinnaavat. Tassanittaaq immersugassaq nassaarisinnaavat.

4.1.D Aserorterineq ajortisaarinerillu

Umiarsuup atortuinik allalluunniit pigisaannik aserorterinerit ajoqusiinerilluunniit politiinut unnerluutigisaanermik taarsiisussanngortitaanermillu malitseqassapput. Inuit pissuserissaanngitsut aalakoortulluunniit bilitsimilluunniit peqaraluarpata angallannissaat itigartitsissutaasinnaavoq. Inuit angalanerminni aalakuulersimasut illoqarfimmi/nunaqarfimmi qaninnermi angalasup nammineq akisussaaffigisaanik niuneqarsinnaapput. Disko Line taamaattoqartillugu aningaasartuuteqarneruguni taarsiivigitinnissaminik piumasaqaateqarsinnaatippoq.

4.1.E Pujortarneq

Angalanermi inini ataatsimoorfiusuni tamani pujortarneq inerteqqutaalluinnarpoq. Pujortarniartut silataani ilaasunut allanut ajoqutaanngitsumi pujortarsinnaapput. Tamatuminnga unioqqutitsisoq koruuninik 500-nik akilisitaasinnaavoq (kontrolafgift), angallatillu inuttaasa innersuussutaat naalakkumanqanngippagit tikiffissami qaninnermi niutitaanermik kinguneqarsinnaalluni. Taamaattoqartillugu Disko Line A/S bilitsip akianut utertitsinissaminut imaluunniit ilaasup niutitaanerminut atatillugu aningaasartuutigisinnaasaanut taarsiinissaminut pisussaatinneqarsinnaanngilaq.

4.2 Tappiitsunik, kørestolertunik, naartusunik, tuniluussinnaasumik nappaatilimmik napparsimasumillu angallassineq

Napparsimasunik angallassinermi umiarsuaatileqatigiiffik nakorsamit uppernarsaammik piumasaqaateqarsinnaavoq, soorlu aamma piumasaqaataasinnaasoq napparsimasoq angalanermi ingiaqateqassasoq. Napparsimasumik passussineq nakorsamilluunniit nakkutilliineq pisinnaanngilaq. Umiarsuaatileqatigiiffik napparsimasumik angallammut nunamullu ikaarussinerit angalanerup ingerlanerani pilersimanngippata isumagisassarinngilai.

Ilaasussat kørestolimik atuisut aallarnissaq sioqqullugu allaffeqarfimmut saaffigineqquneqarput, taamaasillutik angalanerminni pitsaanerpaamik sullinneqarnissartik qulakkeerniarlugu. Taamaasilluni aamma angallatini inuttat piareersarsinnaasassapput, pisussaaffittillu malillugu ilaasut kørestolinik atuisut ikilernerini niulernerinilu sapinngisartik malillugu ikiortassallugit.

Angallasseqatigiiffiup kørestolertup paarsisua ataaseq akikillisaaffigisinnaavaa, atuisup aqqutaani paarineqartariaqarnera pisariaqarpat - soorlu anartarfiliarnerani ikiuuttussamik. Aammalu tappiitsup ikiortaa taamatut akikillisaaffigineqarsinnaavoq, tappiitsoq peqatigiiffimmut "Den danske blindesamfund"-imut ilaasortaanini uppernarsarsinnaappagu. Ikiortip inissisimaffia bilitsiani naggataata kingorna allanneqassaaq imatut: "ledsager/ (ingerlatallu inniminniinermi normua).

4.2.A Naartulluni angalaneq

Ataatsimik naartutilluni angalanermut maleruagassat:

Marlulissanik, pingasulissanik amerlanernilluunniit naartulluni angalanissamut maleruagassat:

4.2.B Tunillaasinnaavit?

Ukunani allassimasunit aattorneqarsimaguit, aattortissimanerni angalasinnaanngilatit:

Ilummoorneq (kighoste), savarnermillu eqqugaasimaguit angalasinnaanngilatit, nappaammik suli aattorsimatillutit.

Nalinginnaasumik angalasinnaanngilatit peruluutinik aattuuttunik nappaateqaruit.

 

4.3 Meeqqanik angallassinermut maleruagassat

4.3.A Disko Line-ip angallataani meeqqaanik ukiukitsunik ilaasoqartarneq

Meeqqat 12-it inorlugit ukiullit inersimasumik ingiaqateqartassapput, taannalu malinneqanngippat angallasseqatigiiffik pisinnaatitaavoq meeqqap bilitseqaraluaruniluunniit ilaanngittoortinnissaanut.

Meeqqat 12-it sinnerlugit ukiullit, suli 18-iliisimanngittut kisimiillutillu angalasussat, angajoqqaaminik iml. akisussaasumiik aallalernermi tikilernermilu takussutissamik peqartariaqarput. Meeraq nammineq angalanissaminut allagartamik akuersissummik takutitsisinnaanngippat angallasseqatigiiffik pisinnaatitaavoq meeqqap bilitseqaraluaruniluunniit ilaanissaanut itigartitsinissaminik.

Meeqqat 16-it inorlugit ukiullit inniminniinermi angallavissamini aallarfimmi aammalu tikiffimmi aallertussat aatsisussallu aqqi, oqarasuaatip angallattakkap normui tunniunneqassapput. Meeraq aallalerpat tunniussisussaq talittarfimmiissaaq, angallatillu tikinnerani aallertussaq aamma piareeqqassalluni.

Meeraq kisimi angalanermini angallamiik angallammut allamut piffimmi unikkallarfiusussami nuuttariaqassatillugu inniminniinermi paasissutissanut attavissat aamma ilanngunneqassapput.

Attavissat, angalanissamut paasissutissat assingisaallu Disko Line-imut angalanissaq minnerpaamik akunnerit 72-it sioqqullugit tunniuneqareersimassapput.

Immersungassaq uani "Meeqqamut kisimiilluni angalasumut uppernarsaat" aajuk

4.3.B Disko Line aqqutigalugu meeqqaanik ukiukitsunik qulimiguulimmi ilaasoqartarneq

Meeraq kisimiilluni angalassatillugu allaffitsinnut saaffiginnissutigineqassaaq. 

Meeraq kisimiilluni angalasussaq minnerpaamik 5-nik ukioqassaaq. Meeqqat 15-it tikillugit ukiullit kisimiillutik angalassappata kisimiittutut angalasussatut inniminniissunneqassaaq.

Meeqqat 18-it inorlugit ukiullit kisimilu angalasussat angajoqqaaminniit imalunniit akisussaasumit angalasinnaanermut akuersissummik takutitsisinnaassapput. Meeraq nammineq angalanissaminut allagartamik akuersissummik takutitsisinnaanngippat angallasseqatigiiffik pisinnaatitaavoq meeqqap bilitseqaraluaruniluunniit ilaanissaanut itigartitsinissaminik.

Inniminniinermi angallavissamini aallarfimmi aammalu tikiffimmi aallertussat aatsisussallu aqqi, oqarasuaatip angallattakkap normui nalunaarutigineqassapput. Meeraq aallalerpat tunniussisussaq mittarfimmiissaaq, tikinneranilu aallertussaq aamma piareeqqassalluni.

Meeraq kisimi angalanermini helikopterimiit nioriarluni ingerlaqqiffissaqarpat saaffiginninnermi paasissutissat tassani piffimmi akisussaasuusussamut tunngasut aamma tunniunneqassapput.

MALUGIUK meeraq kisimi angalassappat bilitsip akiata saniatigut koruuninik 250-nik siumuinnaq akeqarmat.
Sillimaniarneq peqqutigalugu meeqqanik kisimiillutik angalasunik angalanermi ataatsimi killilimmik akuersisoqarsinnaavoq.

Attavissat, angalanissamut paasissutissat assingisaallu Disko Line-imut angalanissaq minnerpaamik akunnerit 72-it sioqqullugit tunniuneqareersimassapput.

Immersungassaq uani "Meeqqamut kisimiilluni angalasumut uppernarsaat" aajuk

4.3.C Meeqqanik unnuisitsisarneq

Meeraq kisimi angalasoq angalanissamut pilersaarutit malillugit angalasussaajunnaarnerni unnuisinneqarnissaanut Disko Line akisussaatitaasinnaanngilaq. Meeqqamut akisussaasoq immersuinermi nalunaarutigineqarsimasoq meeqqamik unnuisitsinissamik akisussaasuussaaq.

16-it 18-illu akornanni ukiullit Disko Line-imit unnuisinneqarsinnaapput, immersuinermili akisussaasutut nalunaarutigisimasaq illoqarfimmi tassani unnuiffissaasumi meeqqamut akisussaasuussalluni. Disko Line-i meeqqat namminneq angalasut unnuisinneqarneranni akisussaatitaasinnaanngilaq.

Meeraq aallarfissamut nutaamut takkutinngitsoortillugu unnuiseqqinnissaanut Disko Line-i akisussaatitaasinnaajunnaartarpoq, kiisalu nutaamik biletsimik tunineqarnissaanut pisussaatitaanani. 

4.4 Check in/aallariartorfissamut takkunneq, angallavissat pilersaarutaasut kinguaattooraangata angallatinik helikopterimillu

Diskolinemut ilaasussat namminneq akisussaaffigissavaat ingerlariaqqinnissaminnut check in-nernissaminnut soorlu assersuutigalugu Air Greenland-ikkut imaluunniit Air Iceland-ikkut piffissaqarluartitsissammata. Kalaallit Nunaata iluani timmisartutigut angalanermi piumasaqaataasarpoq akunneq ataaseq sioqqullugu check in-ersimanissaq, Kalaallit Nunaata avataanut timmisartukkut angalanermi piumasaqaataalluni akunneq ataaseq minutsillu 30-it.

4.4.A Angallammik angalanissami takkuffissaq

Ilaasussat angallammut ilaaffissaminnut pilersaarutit malillugit aallarfissaq minutsit 30-it sioqqullugit apuutereersimassapput, pisattanillu ikioraaneq, angallammullu ikilernermi nalunaarsorneqarneq aallarfissaq minutsinik qulinik sioqqullugu naammassereersimassaaq. Ilaasussat piffissarititaq kingoqqullugu takkussimappata, Disko Line A/S-ip takkutinngitsoorsimasutut nalilersinaavai, taannalu aallaavingalugu inissaq utaqqisunut allanut tunillugu. Utertitsisarnermut piumasaqaatit imm. 3.7.A malillugu ilaasut kingusinaartut imaluunniit takkutinngitsoortut bilitsip akia utertitsinnaanngilaat. 

Air Greenlandimut, Sarfaq Ittummut Air Icelandimulluunniit ilaasut Disko Linemut check in-nernissamut piffissaqarluarnissartik namminneq akisussaaffigissuaat. Kingusinaarnermi Disko Line pisuutinneqarsinnaanngilaq.

Air Greenlandimik, Sarfaq Ittummik Air Icelandimilluunniit angalanerit kinguaattuussappat Disko Linemullu ilaaffissaraluarnut kingusinaassanguit piaartumik nammineerlutit Disko Linemut attaveqarnissat akisussaaffigissuat, billetsivit allanngortinnissaa siunertaralugu.

4.4.B Qulimiguulimmik angalanissami nassatanik tunniussinissaq

Ilaasussat qulimiguulimmut ilaaffissaminnut pilersaarutit malillugit aallarfissaq minutsit 60-it sioqqullugit apuutereersimassapput, Ilaasussat piffissarititaq kingoqqullugu takkussimappata, Disko Line A/S-ip takkutinngitsoorsimasutut nalilersinaavai, taannalu aallaavingalugu inissaq utaqqisunut allanut tunillugu. Piffissarititaq kingoqqullugu takkunnermi ilaasussap ilaanissani piumassarisinnaanngilaa. Utertitsisarnermut piumasaqaatit imm. 3.7.A malillugu ilaasut kingusinaartut imaluunniit takkutinngitsoortut bilitsip akia utertitsinnaanngilaat.

Air Greenlandimut, Sarfaq Ittummut Air Icelandimulluunniit ilaasut Disko Linemut check in-nernissamut piffissaqarluarnissartik namminneq akisussaaffigissuaat. Kingusinaarnermi Disko Line pisuutinneqarsinnaanngilaq.

Air Greenlandimik, Sarfaq Ittummik Air Icelandimilluunniit angalanerit kinguaattuussappat Disko Linemullu ilaaffissaraluarnut kingusinaassanguit piaartumik nammineerlutit Disko Linemut attaveqarnissat akisussaaffigissuat, billetsivit allanngortinnissaa siunertaralugu.

4.4.C Angallassinermi kinguaattoornerit/taamaatitsiinnarnerit

Disko Line kinguaattoortoqartillugu inniminniinermi ”Kalaallit Nunaanni oqarasuaatigisaq” immersorneqarsimasoq aqqutigalugu ingerlaavartumik paasissutissiisassaaq. Disko Line-i tassannga kukkusumik immersuisoqarsimatillugu imaluunniit attaveqartinnagu akisussaatinneqarsinnaanngilaq. Angalatitsivik tuniniaassussisorluunniit aqqutigalugu bilitsimik inniminniisoqarsimatillugu, angalatitsiviup tuniniaassussisulluunniit angalasup oqarasuaataata angallattakkap eqqortup immersornissaa akisussaaffigaa. 

Disko Line-p angallammik qulimiguulimmilluunniit angallavissaq akunnerit 48-t sioqqullugit ilaasussanik inniminniisoqarsimatinnagu angalanissaq taannarpiaq taamaatiinnarsinnaavaa. Angalanissavit qulakkeernissaa anguniarlugu angalanissat aallarfissaq akunnerit 48-t sioqqullugit pisassaaq.

Aqussinnaanngisat tunngavigalugit kinguaattoornerni Disko Line taarsiisussaatitaasinnaanngilaq. 

4.4.C.1 Ikereernermi pisattanilluunniit tunniussereernermi kinguaattoornerit/taamaatitsiinnarnerit

Disko Line-mut angalanermut atatillugu (angallammut ikereernermi, pisattanik tunniussereernermi imaluunniit qulimiguulimmut ikereernermi) Disko Linep pisariaqartillugu unnuinissamut, nerisaqarnermut mittarfiup/tulattarfiup kiisalu unnuisarfiup akornani ingerlassinermut aningaasartuutit akisussaaffigai. Ilaasunut nammineerluni ineqarnissamut periarfissaqartunut, unnuinissamut periarfissaq pisariaqanngittutut nalilerneqartarpoq, taamaakkaluartorli ullup unnuallu ataatsip ingerlanerani nerisaqarnissamut 400 koruuninik matussusiissalluni (meeqqat 2-11 ukiullit 200 koruunit, meeraaqqallu 2-t inorlugit ukiullit 0 koruunit. Ilaasunut aallarfissami najugalinnut unnuinissaq nerisassaqartinneqarnerlu Disko Line-mit matussuserneqarsinnaanngillat. Tamanna taamaallaat illoqarfinni ukunani atuuppoq: Nanortalik, Narsaq, Qaqortoq, Narsarsuaq, Nuuk, Maniitsoq, Sisimiut,  Ilulissat, Qasigiannguit, Aasiaat aamma Qeqertarsuaq.

4.4.C.2 Kalaallit Nunaanni najugalinnut kinguaattoornerit taamaatitisinerillu

Disko Linep angallavissaani kinguaattoortoqartillugu taamaatitsiinnartoqartilluguluunniit illoqarfinnit ukunannga Nanortalik, Narsaq, Qaqortoq, Narsarsuaq, Ilulissat, Qasigiannguit, Aasiaat aamma Qeqertarsuaq aallariartorluni takkukkaluarnernut atatillugu unnuinissat nerisassaqartitaanerlu inatsisit atuuttuusut tunngavigalugit Disko Line-mit matussuserneqartassapput, tamannalu pisassalluni ilaasut aallarfissamut tulliuttumut ilaallutik aallarnissaasa tungaannut.

4.4.C.3 Billetsinik annaasaqarneq

Disko Line-mut ilaalluni angalaffissamut kinguaattoorneq peqqutigalugu billitsinik annaasaqarnernut atatillugu piffinni Mittarfeqarfimmi sulisut bilitsisiffimmik attaviginninnissamut ikiuuttassapput, ullormik nutaamik aallarfissaliunneqarnissaq bilitsimilluunniit nutaamik pisinissaq anguniarlugu.

4.4.C.4 Disko Line-imik ingerlaqqinnissaq

Timmisartumik kinguaattoorluni Aasiannut, Ilulissanut, Narsarsuarmut, Nuummut, Sisimiunut aammalu Maniitsumut tikissimagaanni, taamaalillunilu Disko Line-mut ilaalluni angalanissaagaluaq inortorlugu, Disko Line-imit angallavissamut inissalimmut tullinnguuttumut innersuunneqarnissamut ikiuuttassaagut. Ineqarnissaq nerisaqartinneqarnerlu inatsisit naliginnaasut tunngavigalugit ilaasussap Disko Line-mut ilaalluni apuuffissaminut apuunneqarnissaata tungaanut atuupput.  

Ilisimatitsissutigissavarput Disko Line aqqutigalugu ilaasussat, ilaasussanit kissaatigineqartutut unnuinissaminnik inniminniissunneqareernerup kingorna, apuuffissaminnut allatigut aqqutissarsisimasut, angalanissamut bilitsip akia utertissinnaajunnaartarmat.

4.4.C.5 Angallassisartunut allanut billetsinik utertitsinissaq

Disko Line aqqutigalugu kinguaattoornerit assigisaallu pissutigalugit Air Greenlandimut bilitsinut aningaasartuutit Disko Line-imit taarsiivigineqarneq ajorput, ilaasussap billetsissani taamaatiinnarniarpagu. Kalaallit Nunaanni najugaqatut Disko Linep Air Greenlandimut nutaamik billetsisinissaa isumagissuaa. Kinguaattoornermi Air Greenlandimiit uternissap kinguartinnisaa Disko Line ikiuutaasinnanangilaq.

4.4.C.6 Disko Linep billetsiinik utertitsisinnaaneq angallassisartut allat kinguaattoornerisa kingorna.

Air Greenland imaluuniit Air Iceland aqqutigalugu kinguaattoornikkut, Disko Line-imi ingerlariaqqiffissat aningaasartuutaat utertinneqarsinnaanngillat, Disko Line-imiilli Disko Line-imut ilaalluni inissalimmut tullinnguuttumut nuussinissarput periarfissaalluni.

4.4.C.7 Ilaasussanik nuutsiterineq

Disko Line qulimiguulimmik angalasinnaatinnani, angallammillu angalanissaq sila apeqqutaatillugu pisinnaappat, killormulluunniit angallammiit qulimiguulimmut, nammineerluni angallaviusinnaasumut siullermut nuussuisarpoq. Nutaamik pilersaarusiortoqareeraagat oqarasuaammut angallattakkamut nalunaarutigineqarsimasumut SMS-i nassiunneqartarpoq, tassani angallavissaq aqqutissarlu nutaaq tunniunneqartarluni. Angalasussap angallavissaata nutaap akia nikingassutaasoq taarserneqarsinnaanngilaq, tapeeqqusissummilluunniit pisoqassanngilaq. 

- allannguutaasimasoq akuerinngikkukku kissaatiginaguluunniit, taava piaarnerpaamik Disko Line-ip allaffianut oqarasuaammut +299 94 53 00-imut sianernissat innersuutissavarput, taamaalilluta qulimiguulimmik imaluunniit angallammik angalanissamut pisiarisimasat tunngavigalugu angalarusunnerit inissalimmut tulliuttumut inississinnaassallutigu. Erseqqissaassutigissavarput kinguaattoortoqartillugu aallarfissaq inissalik tullinnguuttoq utaqqinarsinnaasarmat.

4.4.C.8 Kinguaattoornerit angalanissamilluunniit kinguartitsinerit

Qulimiguulimmik kinguaattoortoqartillugu kinguartitsinermiluunniit  angalasussaq mittarfimmiiginnassooq taamaasillunilu aallariasaartoqassatillugu piareersimassalluni.

4.4.C.9 Angalanissamut sillimmasiineq, sulinermut annaasaqarnerit, aqussinnanngisamillu allannguutit

Sulinermut aningaasarsianut annaasaqarnermi taarsiisoqarneq ajorpoq.

Disko Line A/S-ip angalasuutini tamaasa siunnersorpai sillimmaseqqullugit, assersuutigalugu GOUDA imal Europæiske Rejseforsikring atorlugu kinguaattoornermut sillimmasiissut piniaqqullugu.

Disko Line A/S taarsiisussaatitaanngilaq silap pissusaata kinguneranik aqussinnaanngisanilluunniit peqquteqarluni kinguaattoorneq pisimappat. 

4.4.D Angallammik qulimiguulimmilluunniit angalanissap taamaatiinnarnera

Disko Line-p angallammik qulimiguulimmilluunniit angallavissaq akunnerit 48-t sioqqullugit ilaasussanik inniminniisoqarsimatinnagu angalanissaq taannarpiaq taamaatiinnarsinnaavaa. Angalanissavit qulakkeernissaa anguniarlugu angalanissat aallarfissaq akunnerit 48-t sioqqullugit pisassaaq.

Ambulancemik angallassisussanngornerit aammalu inunnik ujaarinnittussanngornerit (SAR) Disko Linep angallassineraniit siulliunneqartuartussaapput.

 

4.5. Nassatanut piumasaqaatit / nassatat oqimaappallaarneri

4.5.A Angallammik angalanissami nassatanut piumasaqaatit / nassatat oqimaappallaarneri

Angallammik ilaasup ataatsip nassarsinnaasaa annerpaaq tassaavoq 30kg. 30kg sinneraanni ataaniittut malillugit akiliisitsisoqartarpoq: (nassataq ataaseq x kg-nik oqimaassusilik)

Vægt

2-5 kg

6-10 kg

11-20 kg

21-30 kg

31-40 kg

41-50 kg

51-60 kg

61-70 kg

71-80 kg

81-90 kg

91-100 kg

Pris

100 DKK

180 DKK

360 DKK

540 DKK

720 DKK

900 DKK

1080 DKK

1260 DKK

1440 DKK

1620 DKK

1800 DKK

 

Nassatarisinnaasat oqimaassusigisinnaasaannik sippuinermut inniminniinissaq akiliinissarlu angalanissaq sioqqullugu Disko Line-ip allaffianut attaviginninnikkut pisassapput. Nassatat oqimaappallaartut inniminnerneqarsimanatillu akilereerneqarsimanngippata, inuttanit itigartitsissutigineqarsinnaapput. Mittarfinni check in-nernermi akiliisoqassatillugu akiliinermut korteq atorneqassooq

Angallammi nassatat ilineqartut, tamaasa ilaasup akisussaaffigai.

Angallammut angallammiillu nassatat ikaarunneri ilaasumit akisussaaffigineqartarput. Disko Line A/S-ip inuttai nassatanik ikaarussuinissaminnut pisussaaffeqanngillat, taamaattumik ilaasut nassatatik namminneq ikaarullugillu nioorarnissaat naatsorsuutigisariaqarpaat. Pisattanik ikaassilernermi inuttanut ikiortikkusukkaanni saaffiginittoqarsinaavoq, kisianni pisattat tassunga atatillugu piaarinaattornikkut ajortinneqassappata, tamatumunnga Disko Line A/S taarsiisussanngortinneqarsinnaanngilaq.

4.5.B Nassatat angisuut, aneerussiviit cykelit allalu

Cykelit aneerussiviillu nassarneqarsinnaapput, nassarnerinili akiliutigineqassaaq nassatamut ataatsimut 100 koruuni, angalanerup sivisussusaa apeqqutaanani, taanna Disko Line Ilulissat allaffianut saaffiginnilluni angalanissamut akunnerit 48-t siusinaarluni pitinnani akilerneqassaaq, angallatini aningaasanik akiliisoqarsinnaanngilaq.Taaneqartunik annerusunik nassarneq, soorlu qaannat (qajaq ataaseq 1000DKK) assigisaalluunniit, angalatitseqatigiiffimmiit siumut akuerineqaqqaartussaapput.

Targamut ilaanialernermi nassatassat anginerit, soorlu: aneerussiviit, sikkilit, karsit assigisaalu, silataanut ilineqartassapput - iluani inissaqannginnerat peqqutigalugu. Ilaasussap akisussaaffigivaa isumannaatsumik poortorsimanissaat, taamaasillutik nassatat immamit, tarajormit assigisaanillu aserfallanneqarsinnaajunnaartillugit. Disko Line taarsiinissaminut pisussaatitaanngilaq nassatat isumannaatsumik poortorneqarsimanngippata.

Nassatani silamiittussani tinngussaariaannaasoqannginnissaa qulakkeerneqassaaq.

4.5.C Qulimiguulimmik angalanissami nassatanut piumasaqaatit / nassatat oqimaappallaarneri

Qulimiguulimmik ilaasup ataatsip nassarsinnaasaa annerpaaq tassaavoq 20kg. 20kg sinneraanni kg-mut ataatsimut koruuninik 39-inik akeqarpoq, minnerpaamillu akiliissutaasinnaasoq 105 koruuniulluni. Nassatanik tunniussinermut atatillugu nassatat oqimaappallaarnerinut akiliinissaq korti akiliutissaq (kreditkort) atorlugu taamaallaat akiliisoqarsinnaavoq, taamaammallu aningaasanik akiliisoqarsinnaanani.

Disko Line-ip pisinnaatitaaffigaa nassatassat amerlavallaarnerini oqimaappallaartoqartillugu itigartitsisinnaanissaq. Inuit angallassassat ilaatinnissaat pingaartinnerpaaneqassaaq, taamaalillunilu pisattat, nassatallu oqimaappallaartut tunulliunneqassallutik.

4.5.D Aallaammik nassarluni angalaneq

Aallaammik nassarluni angalaniaraanni immikkut akuersissummik immersugassaq immersorneqassaaq. Uani immersugassaq aaguk  Immersugassaq immersoreernikoq aallaallu pisattanik tunniussinermi tunniunneqassapput. Aallaasip savequtaa (bundstykke) ikilinnginnermi peereerneqassaaq, aallaasitaalu inuttanut ikilernermi tunniunneqassalluni, aatsaallu tiguneqaqqissinnaalluni apuuffissami niunermi.

4.5.E Nassatanik inortuisitsineq

Disko Line pisussaatitaavoq nassatanik inortuisitsisimatilluni akiliinissaminut. Akiliinissamut pisussaatitaaffik atuukkunnaartarpoq, suliffeqarfiup perulluliornermut pinngitsuuinissamut inatsisit malissimappagit. Taarsiisinnaanissamut utertinneqarsinnaatitaasut annerpaamik 1.131 SDR (1 SDR = ca. 9 DKK) naleqarput.

Nassatamik inortuisitsinermi Disko Line ullormut 500 DKK-mik inummut ataatsimut tunisisinnaatitaavoq annerpaamillu ullut pingasut tassa 1.500 DKK-mik tunisisinnaavoq.

Disko Line ullut 30 tungaanut nassataq pissarsiariniartarpaa nassaarineqanngippat aatsaat nassataq utertitsivigineqarsinnaanngussaaq.

Disko Line-p malittarisassat ’’Timmisartortitseqatigiit ilaasunut ilaasullu nassataannut taarsiisinnaatitaaffiat’’ malippaa taannalu nunarsuaq tamakkerlugu timmisartukkut angallannermi malittarisassaavoq. Nassataq tammagaq annerpaamik taarsiivigineqarsinnaavoq 1.131 SDR (Special Drawing Rights) ca. 9.530 DKK-mik naleqartumik.

4.5.F Nassatat aserorsimasut tammarsimasulluunniit

Nassatat aserorsimasut tammarsimasulluunniit naligitinneqartut 1.131 SDR (1 SDR = ca. 9 DKK) malillugit nalilersorneqartarput. Nassatat aallariartorfissamut tunniunneqareersimasut pisussaatitaapput taarsiiffigineqassallutik.Nassatalli ajoreertuuppat tamanna atuutinngilaq. Nassatalli tunniunneqanngitsut soorlu nassatat tigummiaannakkat taarsiiffigineqarsinnaanngillat.

Nassatanik aserortoqarsimatillugu Disko Line-p sulisui, timmisartortitsisoqatigiit angalatitsisulluuniit nalilissavaat nassataq aaqqinneqarsinnaanersoq taarsiivigineqassanersorlunniit.

Nalituunik nassataqassagaani qularnaveeqqusiisarfimmiit qularnaveeqquserneqarsimassapput.

Tamanna pillugu 5.1-mi atuarsinnaavat

4.6 Pigisat puigukkat

Qimatat pillugit saaffiginnissutit ingerlatsitseqatigiiffimmut oqarasuaatikkut ingerlanneqartarput oqarasuaammut (+299) 94 53 00-imut. Pigisat qimatat qaammat ataaseq uninngatinneqassapput, kingornalu politiinut tunniunneqarlutik. Pigisat qimatat nassiunneri piginnittumut akiligassanngortinneqartarput.

4.7 Uumasunik angallassineq

4.7.A Angallatinik uumasunik angallassineq

Angallammik angalanermi qitsuit qimmillu nassarneqarsinnaapput. Uumasunik angallassiniaraanni akuerineqartumik pooqarnissaat piumasaqaataavoq. Uumasut amerlassusaat aallaavigalugit akiliisitsisoqartarpoq angalanerup isorartussusaa apeqqutaatinneqartanngilaq.. Qimmeq ataaseq 500 DKK, kaniinaq 100 DKK, qitsullu 100 DKK. Uumasumut billetsissaq angalanissamut akunnerit 48-nngortinnagit akilerneqariissooq, tamannalu Disko Line Ilulissat allaffianut saaffiginninnermi pissooq. Disko Line pisinnaavoq inissakilliorneq peqqutaalluni uumasut angallanneqartussat tigunngitsoorumallugit.

4.7.B Qulimiguulimmik uumasunik angallassineq

Qulimiguulimmik angalanermi qitsuit qimmillu nassarneqarsinnaapput. Uumasunik angallassiniaraanni akuerineqartumik pooqarnissaat piumasaqaataavoq. Qitsuk/Qimmeq puualu nassatatut naliginnaasutut naatsorsuutigineqassooq. Qitsuk 4 kg uumasullu puua 8 kg = 12 kg 15 kg-tut naleqassaaq. Annerpaamik uumasumik nassarneq 15 kg-luussaaq. Qaangerneqarpat naliginnaasumik nassatanik sippuinertut akeqassaaq. Disko Line pisinnaavoq inissakilliorneq peqqutigalugu uumasut angallanneqartussat tigunngitsoorumasinnaallugit. Uumasup puua issiaveqartinneqassappat uumasup puuata saavani allagartaqassaaq “atia” “ uumasup puua” inersimasutullu angalanermi akeqassalluni.

4.8 Usit Navianartut

Disko Linep ilaasortaataanut nassiussanik ulorianartunik nassiussineq inerteqqutaavoq, qanorluunniit amerlatigigaluarunik. Nalornigaanni Disko Linep allaffianut saaffiginninnissamut tikilluaqqusaajuaannarput, taamaalillutik aquttunut apeqqutilliissutigineqassooq. Sunilluunniit nassiussiniaraanni Royal Arctic Line imaluunniit Blue Water Greenland aqqutigineqassooq. Qaqugukkulluunniit aquttup aaliagiussaa atuussooq, taassumammi angallat akisussaaffigigamiuk.

Nassiuaat ulorianartut ukuupput:

5. Maalaaruteqarsinnaanerit

Angalaneq pillugu maalaaruteqarsinnaaneq ingerlasseqatigiiffiup allaffianut saaffiginnissutaassooq angalanermiit ullut arfineq marluk qaangiutsinnagit. Pigisat nassiussalluunniit aserorsimasut nalunaarutigineri ingerlaannaq angallammi oqartussanut, angallat qimatsinnagu, isumagineqassaaq.

5.1 Nassatat ajortissimatillugit

Disko Line-imi angalatillutit taskit/kuffertit aserorsimatillugu, angalanermi apuuffissamut tikinnermi, mittarfiup angallatilluunniit qimannginnerani Mittarfeqarfimmi sullissisunut angallammiluunniit inuttaasunut nalunaarutigineqareersimassaaq, taakkualu Disko Line-imut nalunaarusiorumaarput. Taskit/kuffertit tamatuma kingorna Disko Line-ip allaffianukaanneqassaaq nassiunneqarluniluunniit, aserornera nalilersorneqarsinnaaniassammat.

Kuffertip/taskip aserorsimanera mittarfiup angallatilluunniit qimannginnerani nalunaarutigineqarsimanngippat, taava Disko Line taarsiinissamut pisussaatitaatinneqarsinnaanngilaq.

Disko Line aserfallannernut annikittumilluunniit ajoqusiinernut naliginnaasumik nassatanik isumaginninnermik tunngaveqartumik akisussaatinneqarsinnaanngilaq.

Ilaasup nammineerluni akisussaaffigaa nassatat isumannaattumik poortorneqarnissaat aserortussaajunnaarlugit, taamaalillunilu nassatanik isumaginninnermi naliginnaasumi aserortoqarnissaa pinaveersaartinniarlugu.

6. Allannguisinnaaneq

Disko Line A/S pisinnaatippoq, angallassinermi aalajangersakkanik, angalanermi pilersaarutinik, akinik il.il. allannguisinnaalluni, sullissinermut isumaqatigiissusiaq, Namminersornerullutik Oqartussallu malittarisassatut isumaqatigiissusiaat malillugu.

Disko Line A/S ingerlatsinermi nikingasoortoqassappat taarsiisussaatinngilaq, timmisartut angallatilluunniit allat ataqatigiissaarfiginissaannut, angalanermi pilersaarusiat akillu allassimaffiisa kukkunerinut / minitarisimasaanut.

7. Piginnittussaaneq

Disko Line A/S nittartakkaminni saqqummiussanut tamanut piginnittuuvoq. Atortussiat siammarterneqassanngillat sanaqqinneqassanngillalluunniit akuersissummik peqqaartingani. Nittartakatsinnut paasissutissanik killeqanngitsumik attaviliisoqarsinnaavoq. Attaviliinerit quppernernik kopeerinerit akuerisaapput, info@diskoline.gl attavigisinnaavat toqqaannartumik attaviliiniaruit.

8. Akisussaaffeqarneq

Nittartakkami paasissutissat ataavartumik nutarterneqartarput kukkunerilli pisinnaapput. Disko Line toqqaannartumik toqqaannanngikkaluamilluunniit nittartakkami pasissutissat atornerini annaasaqarnermi akisussaanngilaq. Inuup allap qarasaasiaanut attaviliineq Disko Line-p akisussaaffiginngilaa soorlu aamma inuup allap qarasaasiaata imarisaanut Disko Line akisussaatinneqarsinnaanngitsoq. Disko Line-p nittartagaaniit paasissutissanik aallerneq atuisup nammineerluni akisussaaffigaa.

Qulaani pineqartut atuupput allatigut danskit inatsisaanni naliginnaasumik malittarisassatigut takussutissaqanngippat.

9. Akuersaarneq

Una nittartakkatut takussutissiaq atortillugu uani piumasaqaatit akuersaarpatit. Imarisaasa nutartertarneri pisariaqartillugu pisarpoq, illit sullitatut tamatigut paasissutissat suut soorlu katersisarnerput ilisimassagakku. Pisinnaatippugut qaqugukkulluunniit allannguinissamut, ilaartuinissamut imaluunniit paasissutissat ilaannik piiaanissamut. Taamaattumik nittartakkat uku pulaakkit misissuataarlugillu allannguuteqarsimanersut. Disko Line-ip nittartagaa atortuarukku uani quppernermi allannguisoqareertillugu, taava allanngutaasut taamaasillutit akuersaassavatit.