Angallannermut paasissutissat-COVID-19
Disko Line-imut angalasunut Covid-19 pillugu paasissutissat
Peqqussutit nutaat tunngavigalugit 6/12-21-miit atuutilersumik angalasut tamarmik marluleereersimasut tamakkiisumik kapitissimanissaat imaluunniit angalanissaq pitinnagu annerpaamik akunnernik 48-nik pisoqaassusilimmik tunillatsissimannginnermut uppernarsaammik peqartoqarnissaq peqqussutigineqarpoq.
Taamaattumik Disko Line-imut ilaallutik angalaniartut tamarmik qulaani taakkartorneqartunik ikitinnatik uppernarsaanissaminnik peqquneqartassapput. Tamakkiisumik kapitissimanngittut imaluunniit angalanissaq pitinnagu tunillatsissimannginnermut misissortissimanngittut angallatinut ikitinneqassanngillat.
Ukununnga atuutinngilaq:
- Inuit peqqinnissaqarfimmi katsorsarneqartut
- Inuit Covid-19-imut illoqarfinni nunaqarfinniluunniit aallannginnerminni misissortinnissamut periarfissaqanngitsut
Tamatuma saniatigut 12-nnik ukioqalereersimasunut angalatilluni qanermut assiaquteqarnissaq peqqussutaavoq.
Peqqussutit uani atuarneqarsinnaapput:
Allannguuteqartoqarsinnaammat innersuussutigivarput angalassangaanni nittartagaq una malinnaaviginissaa: www.nun.gl