Glacier Lodge Eqi

Ilulissaniit avannamut 70 km-inik ungasitsigisumi kusanarluinnartumik asseqangingajattumik pinngortitaqarpoq: Eqip Sermia, ulluinnarni ”Eqi”-mik taaneqartartoq. Sermersuup imaanut ujangisimanera 3,4 km-inik takissuseqarpoq, naqqaniillu qummut 200 meterit missaannik portussuseqarluni, 30 meteriniit 180 meterit imaq qulaallugu.

Maani nunaannarmi inoqarfiunngitsumi Kalaallit Nunaata pinngortitaata angissuserujussua, sermersuup qaqqat killilerlugit sermesuullu immamut ingerlanera takuneqarsinnaapput. Sermersuaq Eqi immikkuullarilluinnarpoq, Kalaallit Nunaanni sermersuarni pisoqarfiunerpaatut inissisimalluni. Agguaqatigiisillugu akunnermut ataasiarluni uukkaasarpoq. Nipi nipitoorujussuaq ilulissat Atlantikumut angalanissaasa aallarniutigisarpaat. Eqimut angalaarnitsinni sermip periusaa misigineqarluarsinnaavoq, ungasissuseq sillimasoq ungasissuseralutigu umiatsiamik iluliarsuit akornanni angalaarujoornermi.

Glacier Lodge Eqi

Eqi ulluinnarluni angalalluni misigineqarsiinnaavoq, inersuussutigigaarparpulli Glacier Lodge Eqi-mi unnuk ataaseq marlulluunniit unnuinissaq. Kalaallit Nunaanni sulinngiffeqarluni angalanermut atatillugu Glacier Lodge Eqi-mi sulinngiffeqarnermi Kalaallit Nunaata pinngortitaa ineqarfiunngitsup misiginissaanut periarfissatsialaavoq pisigisassaqqissoq.

Glacier lodge Eqi-mi nammineq illuaqqamiit, Cafe Victor-imiit imaluunniit piffimmi pisuttuarnermi isikkivik kusanarluinnartoq misigineqarsinnaavoq. Angalasunut pisukkumasunut Paul-Emil Victor-ip pisuffigisimasaa sermersuup tungaanut aqqutigineqarsinnaavoq. Nunap qorsooqqissup sermersuullu akunnerani sermersuup aanneri pinngortarput. Sermersuarmi takornariartitsisussamik saniatigut pisisimagaanni sermersuup qaavani pisuttoqarsinnaavoq.

 

Cafe Victor

Cafe Victor Glacier Lodge Eqi-mut angalanerni katersuuffiukkajuttarpoq. Tassani aneerasaarsarfimmut ingilluni sermersuarmut isikkivilerluni kaffisorujoortoqarsinnaavoq, nillaarissumik hvidviinnisortoqarsinnaalluni imaluunniit immiaarartorluni. Sutorniartarfimmi takornarissat tamarmik ullaakkorsioqatigiittarput, ullup qeqqasioqatigiillutik unnukkorsiutitorlutillu. Sutorniartarfimmi mamarluinnartunik nerisassaqartarpoq, nerisassat amerlanerit kalaallinit nerisassiaasarlutik pisarineqartarlutillu.

Glacier Lodge Eqi – tassani atugartuussutsip nuannersortai inoqanngitsullu pinngortitami misigisassarititai akuleriissaarneqarluarsimapput: Eqimi misigisassat nunarsuarni taakkunannga marlunneersut pitsaanersaat misigisassaapput.

Glacier Lodge Eqi-mi illuaqqat ilorrisimaarfiit sisamaapput, illuaqqallu naliginnaasut arfineq-pingasuullutik. Illuaqqat tamarmik immikkut aneerasaartarfeqarput, isikkivikissumillu igalaarsualerneqarsimallutik.

Cafe Victor Eqi

Sermersuaq

Qaqqamut pisungaatsiaruit sermersuup killinganut apuutissaatit. Sermersuup tungaanut pisunnermi sermersuup qanoq angitiginera misigineqarsinnaavoq. Ineqarfigisaq sineriammi toorneeraannartut takussaalertarpoq, qaqqallu tunuatungaaniittut tunuanni titarneq saatsoq qaqortoq nuilluni: tassa sermersuaq. Sermersuup killinngata tikikkiartornerani, nuna ujaraqangaatsiarpoq, sermillu nassataanik nuna maniillilluni. Sermersuaq takornariartitsisunik sungiussisimalluartunik ilaqarluni takornarniarneqarsinnaavoq (taanna saniatigut pisiassaavoq), iluatsitsigaannilu sermersuup aanneranit kuussuarnik puilasulianillu takusoqarsinnaalluni.
 
Indlandsisen Eqi

Nuna sermip nassataa "Morænen"

Eqimiit nunamut sermip nassataanut pisuttuarnermi Eqip sermersuaata angissusaa paasisaqarfigineqarsinnaavoq. Eqimi ineqarfinniit sioqqaneq qattuniliaasorisinnaasoq, ornikkaanni sunaaffa ujararujussuaq sioqqanillu sermip nassataanik putuliaq. Taassuma sinaaniit sermersuup tungaanut isikkivik kusanarluinnarpoq, qupparujussuit sermersuullu aanneranit tatsit tungujorluinnartut sikup inngigisa akornanni takuneqarsinnaallutik.

Moraine Eqi

Kuuk

Glacier Lodge Eqip tunuani sermersuarmiit kuussuaqarpoq. Pisullatsiarnikkut sermersuarmut, kiisalu kuussuarmut isikkivitsialammik periarfissiilluni. Illuaqqaniit meterinik hunnorujualunnik ungasillilaaginnaraanni, pinngortiami inoqanngitsumi kisimiittutut misinnarpoq. Pinngortitakkut misigisassat annersaasa ilaat.

Angalaarnissamut periarfissat neqeroorutillu
  • Takornariartitsisulerluni sermersuarmut pisuttuarneq
  • Takornariartitsisulerluni nunamut sermersuup nassatarisimasaanut sermersuup eqqaaniittumut pisuttuarneq
Piffimmi misigisassat akeqanngitsut
  • Sermersuarmut isikkivik
  • Nunamut sermersuup nassatarisimasaanut "morænen"-imut pisuttuarneq
  • Sermersuarmut pisuttuarneq
  • Eqimi sermersuup eqqaani kuummut pisuttuarneq
Nunaannarmi ineqarfissat
  • Glacier Lodge Eqi