Aasiaat - nuna tusindinik qeqertalik

Aasiaat Qeqertarsuup Tunuata kujataani iqeqertami inissisimavoq. Qeqertartaa ikkarloqarfimmi inissisimavoq, taamaattumillu nunamik tusindinik qeqertalimmik taaneqartarluni. Aasianniit iluliarpassuit Qeqertarsuup Tunuaneersut sanioqquaneri takuneqarsinnaapput.

Aasiaat illoqarfiuvoq 3.100-t missaanni innuttaassuseqartoq, taamaalillunilu Kalaallit Nunaanni illoqarfiit annersaasa tallimaattut inissisimalluni.

Aasiaat eqqaani qeqertani, taakkunannga amerlasuut eqqissisimatitaapput, taakkunani uumasut assigiinngitsut takuniarneqarsinnaapput. Qeqertat akornanni angalaaraanni, aasaanerani tikaangullinnik takusaqartoqarsinnaalluartarpoq.

Aalisarneq inuussutissarsiutit pingaarnersaraat, saniatigullu Kalaallit Nunaata avannaani ilinniarfeqarfiulluni, ilaatigut ilinniartuunngorniarfik, inuussutissiornermut ilinniarfik immikkullu pisarialinnut atuarfeqarluni.

Aasianni assigiinngiiaartunik arlalinnik pisiniarfeqarpoq, ilaatigut ulluinnarni nioqqutissaarniarfiit atisaarniarfiillu.  Aningaasanik atuiffissaq alla tassaavoq kalaalimineerniarfik, piniartut aalisartullu pisatik tassani tuniniartarpaat. Umiarsualivimmi eqqaanilu pisoqarfiulluartarpoq, taamaattumillu takornariarnissaa innersuunnarluni.

Aasaanerani qaannamik aquuteralammilluunniit angalaarluni uumasut ilulissallu qanillattorneqarsinnaapput. Illup iluaniikkusunnerugaanni katersugaasivik imaluunniit katersortarfik alakkarneqarsinnaapput, Per Kirkeby-mit qalipakkat tassani takuniarneqarsinnaallutik.

Illoqarfiuvoq kalaallit periaasitoqaannik atuiffiulluartoq. Qimussit angallannermut naliginnaasumut aqqutaallutik. Umiarsualivimmi eqqaanilu pisoqarfiulluartumi aquuteralaat ilulissat akornanni aalisarissat aallarlutillu tikerartuartarput.

Kalaallit Nunaanni illoqarfiit annersaasa tallimaasa takornariarnissaanut periarfissaqarluarpoq. Takornarissat amerlanngitsut Aasiannukartarput, taamaattumillu ulluinnaap misiginissaanut periarfissaqarluarluni.

BMaluginiaruk qulaani isiginnaagassiami Qeqertarsuup Tunuanit piffinni assigiinngitsunit assitalersorneqarsimammat. 
 
Piffimmi misigisassat akeqanngitsut
  • Nunamiit arfernik takuniaaneq
  • Qaqqamut pisuttuarneq
  • Illoqarfimmi pisuttuarneq
  • Aasiaat museum
Illoqarfimmi akunnittarfik
  • Sømandshjemmi