Hotel Icefiord - Ilulissat

Hotel Icefiord sineriammut toqqaannartumik inissisimavoq, ininiillu tamanit Qeqertarsuup Tunuani iluliarsuarnut isikkiveqarluni.

Akunnittarfimmiit Ilulissani illoqarfiup qeqqanut Sermermiunullu pisuinnartoqarsinnaalluni. Sermermiunut pisunnissamut aqquteqarpoq, Kangiani kangerlummut iluliaqarfimmut isikkiveqarluni.

Akunnittarfik immikkut neriniartarfeqarpoq, ingalaarsualimmik kangerlummullu iluliaqarfiusumut isikkiveqarluni. Neriniartarfimmi nerisassaqarpoq mamarluinnartunik sananeqarsimasunik, inilu nuannersagaalluni aaqqissuunneqarsimalluni. Icefiord-imi neriniartarfik kalaallit nerisassiassaannik, piffimmi aalisakkanik pisaanik thailandimiullu nerisassaataannik sassaalliisarpoq. Aasaanerani aneerasaartarfimmi angisuumi kangerlummut iluliaqarfiusumut isikkivilimmi sassaalliinissaq periarfissaasarpoq.

Akunnittarfimmi init tamarmik Qeqertarsuup Tunuanut Kangianilu kangerlummut iluliaqarfimmut isikkiveqarput. Inininngaanniit arfernik Qeqertarsuup Tunuani nalullutik sanioqquasunik takunissaq takornartaanngilaq. Qulakkeerussutigisinnaavarput iluliarsuarnik angisoorsuarnik ikkarlinnikunik takunissat. Angalaneq akunnittarfiillu aqqutigalugu inniminniisimaguit Disko Line-ip angallataanut mittarfimmullu ingerlanneqarnissat akimut ilaareerpoq.

Init

Superior+ værelse

Naliginnaasoq PITSAANEQ

Ini naliginnaasoq pitsaanermi init illut quleriiaat aappaanni inissisimapput ingalaarsuaqarlutillu ammavissinnaasunik, Qeqertarsuup Tuniuanut isikkiveqarlutik. ”Eqqumaffigeqqussavarput inini naliginnaasuni pitsaanerni immikkut innarfissiorsinnaannginnatta.” Angalaneq akunnittarfiillu aqqutigalugu inniminniinerni siullertut ininut naliginnaasunut pitsaanernut inissiisarpugut. Akiata katinnera inip qanoq ittup tunniunneqarsimanera tunngavigalugu naatsorsoqqinneqartarpoq. Ullaakkorsiorneq akianut ilaareerpoq.

Naliginnaasut

Init naliginnaasut init qaleriiaat allersaanni inissisimapput, Qeqertarsuullu Tunuanut isikkiveqarlutik. Init tamarmik siniffnnik ataasiittakkanik marlunnik peqarput. Ullaakkorsiorneq akianut ilaareerpoq.

Ilulissat

Ilulissat sermersuup Kangiata eqqaani inissisimavoq, taannalu 2004-mi UNESCOp eriagisassatut allattorsimaffiani inississimalluni. Kangia tassaavoq iluliarujussuit Kalaallit Nunaanni ilisimaneqarluartut aallarnerfiat. Sermersuaq taanna nunarsuatsinni pisoqarfiunerpaavoq, ullormullu 20 meterit missaanni nikittarluni. Sermersuup taassuma Kalaallit Nunaanni ukiumut ilulissat immamut uukkaasartut 10 %-iisa missaat uukkaatittarpaa.

Ilulissat Kalaallit Nunaanni illoqarfiit annersaasa pingajoraat. Taamaallaat illoqarfiit pingaarnersaannit Nuummiit Sisimiuniillu qaangerneqarluni. Illoqarfik niuertumit Jacob Severin-imit tunngavilerneqarsimavoq. Kommuni 5.000-it missaanni innuttaassuseqarpoq, 4.000-illu missaanni qimmeqarluni.