Hotel Avannaa - Ilulissat

Hotel Avannaa mittarfimmiit illoqarfimmut aqqutaani inissisimavoq, illoqarfiullu qeqqaniit pisuinnarluni minutsinik qulinik taamaallaat ungasissuseqarluni. Akunnittarfimmiit torraalluinnartumik kangerlummut iluliaqarfiusumut illoqarfiullu tungaanut isikkiveqarpoq.

Init

Superior+ værelse

Init

Tikeraagut ininik ataasiittarissanik marluuttarissanillu siniffinnik amerlanerusunik ilisiffiusinnaasunik 22-inik neqeroorfigisinnaavagut. Init tamarmik immikkut uffarfeqarlutillu perusuersartarfeqarput, 32”-inillu angitigisunik fjernsyneqarlutik, internet-imut attaveqarlutik, iggaveeraqarlutik, kiisalu aneerasaartarfimmut anillassinnaallutik. Init ataasiakkaat iggaveeraqarput nillataartitsivilinnik. Init qaamasutut nunallu avannarliit aaqqissueriaasaat malillugit aaqqissuunneqarsimapput. Init init quleriiaat allersaanni, tullermi pingajuannilu inissisimapput. Init affaat Qeqertarsuup Tunuanut isikkiveqarput – ineeqqallu taakku inniminneeqqaartunut tunniunneqartarlutik. Ullaakkorsiorneq akimut ilaareerpoq.

Neriniartarfik ullaakkorsiortarfik

Init quleriiaat allersaanni neriniartarfik ullaakkorsiortarfik aneerasaartarfilik inissisimavoq, tassanilu tikeraartugut ullaakkorsiornissaannut neqeroorfigisinnaallutigit. Akunnittarfik pujortartarfiunngilaq – inini neriniartarfimmilu. Silataani pujortarneq inerteqqutaanngilaq.

Ilulissat

 

Ilulissat sermersuup Kangiata eqqaani inissisimavoq, taannalu 2004-mi UNESCOp eriagisassatut allattorsimaffiani inississimalluni. Kangia tassaavoq iluliarujussuit Kalaallit Nunaanni ilisimaneqarluartut aallarnerfiat. Sermersuaq taanna nunarsuatsinni pisoqarfiunerpaavoq, ullormullu 20 meterit missaanni nikittarluni. Sermersuup taassuma Kalaallit Nunaanni ukiumut ilulissat immamut uukkaasartut 10 %-iisa missaat uukkaatittarpaa.

Ilulissat Kalaallit Nunaanni illoqarfiit annersaasa pingajoraat. Taamaallaat illoqarfiit pingaarnersaannit Nuummiit Sisimiuniillu qaangerneqarluni. Illoqarfik niuertumit Jacob Severin-imit tunngavilerneqarsimavoq. Kommuni 5.000-it missaanni innuttaassuseqarpoq, 4.000-illu missaanni qimmeqarluni.